شباب عاوز حد يقوله " عاوز إيه؟ " مش أكتر

السلام عليكم
أحبابي و شبابي و شباباتي (جديدة شباباتي دي) المهم
عاوز أتكلم معاكم من خلال المدونة دي و من خلال أيام كتييييييير هنقضيها سوا إن شاء الله عن مشاكلنا .. عن احتياجتنا .. عاوز أوصل صوتنا للسماء .. أوصله للدنيا كلها .. هنخليهم يشوفونا .. هنخليهم يعرفونا .. هنخليهم يعرفوا إننا مش شباب هايف .. بالعكس - أبسولوتلي - إحنا شباب جامد و جامد أوي كمان .. شباب عاوز يكتسب مهارات جديدة و يتعلم حاجات جديدة و كمان و دي الأهم .. شباب عاوز يعيش حياة جديدة
الأهم يا شباب قبل ما نفضل نعد في مشاكنا و نبكي عليها لأن المشاكل كتيييييييييير أوي و لو فضلنا نعد هنموت و غحنا بنعد :)) الاهم باة نعرف حدودنا و إمكانياتنا .. نعرف إحنا بنعرف نعمل إيه و نقول إيه .. أصل هيكون شكلنا وحش أوي لو فضلنا نزعق و نقول هاتوا حقوقنا و نيجي ناخد الحقوق دي ما نلاقيش حاجة ناخد فيها .. مشكلة .. و قصدي بحاجة ناخد فيها دي يعني .. وعاء العلم .. وعاء المعرفة .. تيجي تطلب موز .. و لانك مش عارف الموز .. تطلب عنب .. تيجي تقرأ قرآن و أتاريك بتقرأ الجرنان و إنت مش عارف
تعالوا يا شباب نشوف إيه إمكانياتنا و إيه مناطق القصور فيها و نكملها و نصلحها و بعد كدة نخرج للدنيا كلها نقول : يا عااااااااااااااااالم يا هووووووووووو .. إحنا أهووووووووو و جاهزين لأي تحدي

جاهزين نمشي طريق طويييييييييل إيد في إيد .. إيد تساعد إيد .. إيد تشد على إيد وقت ما تحتاجلها جنبها .. إيد تدعي ربنا و تترفع بالدعاء و إيد تعمل المستحيل
كان معكم
مواطن صاحي و مش عارف صاحي ليه